Vahan & Anoush Chamlian Armenian School

Home

Շամլեան Ազգային վարժարանին մէջ գոյութիւն ունեցող ակումբներուն կողքին կը գործէ նաեւ Հայկական Ակումբը, որուն մաս կը կազմեն Միջնակարգի 7-րդ եւ 8-րդ կարգի աշակերտները:

Հայկական Ակումբին նպատակն է աշակերտները վարժեցնել հայկական միութիւններու գործելաձեւին: Ակումբին գործունէութիւնը կ՛ընդգրկէ դաստիարակչական մրցումներ (Հայոց Պատմութեան եւ Հայաստանի Աշխարհագրութեան նիւթերով), զանազան այցելութիւններ, դրամահաւաքի ձեռնարկներ, եւ Հայկական Տօներու վերաբերող ձեռնարկներ:

Դրամահաւաքի երկու ձեռնարկներ կը կատարուին, օժանդակելու համար Հայաստանի (Խոր Վիրապ) եւ Արցախի (Աշան) շրջաններու մեր քոյր վարժարաններուն:

Հայկական Ակումբի խորհրդատուն է Օրդ. Թամար Պապուճեան: